Dünyanın beş nüvə dövləti Dubayda görüşdü
Dekabrın 4-də Birləşmiş Ərəb Əmirliklərinin Dubay şəhərində dünyanın beş nüvə dövləti — Rusiya, ABŞ, Çin, Fransa və Böyük Britaniya arasında qapalı formatda görüş keçirilib.
Crossmedia.az xəbər verir ki, görüş barədə Çin XİN dekabrın 10-da məlumat yayıb.
Görüşün əsas mövzusu nüvə doktrinaları ilə bağlı açıq müzakirələr olub. Tərəflər bu formatın nüvə doktrinalarının qarşılıqlı anlaşılması, həmçinin potensial yanlış anlaşılmaların qarşısının alınması üçün əhəmiyyətini vurğulayıblar.
Çinin sədrliyi ilə keçirilən bu görüş “Nüvə Beşliyi” çərçivəsində təşkil edilib. Format, beynəlxalq təhlükəsizlik məsələlərinin müzakirəsi üçün 2009-cu ildə yaradılıb.
Müşahidəçilər bildirirlər ki, Rusiya, hazırkı geosiyasi vəziyyətdə, bu formatı Qərb ölkələrinə öz təhlükəsizlik narahatlıqlarını çatdırmaq üçün vacib bir kanal kimi qiymətləndirir. Dekabr ayında Rusiya Prezidenti Vladimir Putin yenilənmiş nüvə doktrinasını təsdiqləyərək, nüvə silahlarının tətbiqinə dair yeni şərtlər müəyyənləşdirib.
Görüşün yekun bəyanatı üzərində danışıqlar davam etdirilir.
Gültac Mehdizadə
05:26 18.12.2024
Oxunuş sayı: 3523
