Dünyada insanlar ən çox və ən az harada işləyir
Beynəlxalq Əmək Təşkilatının (BƏT) məlumatlarına görə, dünyada insanlar həftə ərzində orta hesabla 43,9 saat işləyirlər.
Crossmedia.az bildirir ki, bununla belə, mədəni normalar, iqtisadi strukturlar və əmək siyasətindəki fərqlər orta iş saatlarının regionlar arasında ciddi şəkildə fərqlənməsinə səbəb olur.
İnfoqrafi̇ka müəllifləri ölkələr üzrə hər bir əməkdaşın həftəlik orta iş saatlarını əks etdiriblər.
Məlumatlar, Beynəlxalq Əmək Təşkilatının 187 üzv ölkəsindən 108 ölkəni əhatə edən seçmə məlumatlardır və fərdi sahibkarlıq fəaliyyəti ilə məşğul olan şəxslərin göstəricilərini daxil etmir.
BƏT standartlarına görə, həftədə 48 saatdan artıq iş sağlamlıq, təhlükəsizlik, məhsuldarlıq və iş-şəxsi həyat balansına mənfi təsir göstərdiyinə görə həddən artıq sayılır.
Ən uzun iş həftəsinə malik olan 5 ölkədən dördü Asiya-Sakit Okean regionunda yerləşir: Hindistan, Butan, Banqladeş və Kamboca. Avropada isə adətən iş həftəsi daha qısadır, xüsusilə Niderlandda insanlar həftədə orta hesabla 29,8 saat işləyirlər.
Gültac Mehdizadə
05:18 18.12.2024
Oxunuş sayı: 16302
