Avropa İttifaqı 2025-ci ildə Ukraynaya 30 milyard avro yardım etməyi planlaşdırır
Avropa İttifaqı (Aİ) Ukraynaya hər ay 1,5 milyard avro yardım göstərəcək. Bu vəsait Ukraynanın büdcə dəstəyi çərçivəsində ayrılacaq. Bu barədə Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaya Kallas məlumat verib.
Crossmedia.az "RBC-Ukrayna"ya istinadən xəbər verir ki, Aİ xarici işlər nazirlərinin toplantısından sonra Kallas Avropanın Ukraynanı dəstəkləməli olduğunu vurğulayıb. Xüsusilə qeyd edilib ki, qış mövsümünün sonuna qədər Avropa ölkələri 75,000 ukraynalı əsgəri təlimdən keçirəcək.
“Bu ay Aİ Ukraynaya büdcəsi üçün 4,2 milyard avro yardım göstərdi və yanvar ayından etibarən hər ay 1,5 milyard avro ayıracağıq,” - deyə Kallas bildirib.
O, əlavə yardımın ediləcəyini də söyləyib. Ukraynanın Xarici İşlər Naziri Andriy Sybiha xarici işlər nazirlərinin görüşündə Ukraynanın daha çox sursata, gücləndirilmiş hava hücumundan müdafiəyə və müdafiə sənayesinə dəstəyə ehtiyacı olduğunu qeyd edib.
Emil Bağızadə
13:06 17.12.2024
Oxunuş sayı: 8692
