Putinin öz adamlarını güllələdikləri iddia olunur
Kurskda ən azı 30 Şimali Koreya əsgəri həlak olub və ya yaralanıb.
Crossmedia.az xarici KİV-ə istinadla xəbər verir ki, ABŞ, Ukrayna kəşfiyyatının məlumatlarını dəstəkləyərək, Şimali Koreya qoşunlarının Rusiyanın Kursk bölgəsində döyüşlərdə “əhəmiyyətli” itkilər verdiyini açıqlayıb.
Ağ Evin rəsmisi Şimali Koreya qoşunlarının əvvəllər Rusiya ərazisinin dərinliyində yerləşdirildiyini, lakin indi cəbhə xəttinə doğru irəlilədiyini bildirib.
“Onların öldürülən və yaralanan əsgər sayında ciddi itkilər verdiyini düşünürük, lakin dəqiq rəqəm demək çətindir. Mən deyərdim ki, bu rəqəm onlarladır, yəni bir neçə onlarla insan” deyə milli təhlükəsizlik üzrə kommunikasiya müşaviri Con Kirbi bildirib.
Onun şərhləri Ukraynanın hərbi kəşfiyyat idarəsinin ötən həftəsonu ən azı 30 Şimali Koreya əsgərinin öldüyü və ya yaralandığı barədə iddialarını dəstəkləyir. Bu, Ukrayna müharibəsində Şimali Koreyanın itkilərinə dair ilk hesabatdır.
Bundan əvvəl qurum bildirmişdi ki, Kurskda döyüşlər zamanı Şimali Koreya qoşunları dost atəşi nəticəsində Rusiya əsgərlərini öldürüb.
HUR-un məlumatına görə, Şimali Koreya əsgərlərindən ibarət bir qrup Rusiya tərəfdə döyüşən Çeçenistanın Axmat bölməsinin səkkiz üzvünü güllələyərək öldürüb.
Sevinc Abuşova
06:24 17.12.2024
Oxunuş sayı: 4268
