Sidneydə şəhid edilən Türkiyə diplomatlarının xatirəsinə anım mərasimi keçirilib
2024-cü il dekabrın 17-də Avstraliyanın Sidney şəhərində Türkiyənin Baş Konsulu Şarık Arıyak və Ataşe Engin Severin xatirəsinə anım mərasimi keçirilib. Onlar 17 dekabr 1980-ci ildə erməni terror təşkilatının hücumu nəticəsində vəzifə başında şəhid olmuşdular.
Crossmedia.az xəbər verir ki, tədbir Türkiyənin Sidney şəhərindəki rəsmi konsulluq iqamətgahı qarşısında baş tutub. Mərasimdə Yeni Cənubi Uels (NSW) ştatının dövlət başçısı, polis departamentinin yüksək vəzifəli nümayəndələri, parlament üzvü Linda Voltz, Türkiyənin Baş Konsulu Belgin Ergüneş xanım, Təhsil Ataşesi Dr. Cem və rəsmi qonaqlar iştirak ediblər. Tədbirə Avstraliya Azərbaycan Assosiasiyasının nümayəndəsi Mikayıl Oyta da qatılıb.
Anım mərasimi şəhid diplomatların xatirəsinə ehtiramın ifadəsi olaraq keçirilib və onların fədakarlıqlarının unudulmayacağı vurğulanıb.
Günəş Məmmədova
05:25 17.12.2024
Oxunuş sayı: 18715
