Xarici xəbərlər

Britaniyalı politoloq: “Sülh danışıqlarının ilkin mərhələsi Ukraynasız keçirilməlidir”

Britaniyalı politoloq və Vaşinqtondakı Kvinssi Məsul Dövlət İdarəetməsi İnstitutunun baş elmi işçisi Anatol Liven sülh danışıqlarında Ukraynanın iştirakının vaxtı ilə bağlı narahatlığını ifadə edib.

Crossmedia.az xəbər verir ki, “Foreign Policy” üçün yazdığı məqalədə ekspert, Ukraynanın ilkin mərhələlərdə danışıqlara qoşulmasının danışıqlar prosesini çətinləşdirə biləcəyini qeyd edib.

“Danışıqlarda üç tərəf iştirak edir: Ukrayna, Rusiya və ABŞ. Lakin danışıqların ilk mərhələləri Birləşmiş Ştatlar və Rusiya arasında aparılmalıdır,” – deyə Liven vurğulayıb.

Politoloq hesab edir ki, Ukrayna öz maraqlarını tam müdafiə edə biləcək bütün məsələləri masaya qoya bilməyəcək. Məsələn, Qərbin hansı təhlükəsizlik zəmanətlərini verə biləcəyi və ya verməli olduğu kimi məsələlər Kiyevdən asılı deyil. Onun sözlərinə görə, Ukraynanın danışıqlara erkən mərhələdə qoşulması prosesi ümumiyyətlə qeyri-mümkün edə bilər. Bunu “kədərli, amma qaçılmaz həqiqət” adlandırıb.

Liven əlavə edib ki, əgər Ukrayna danışıqlarda iştirak edərsə, hər hansı mümkün kompromis dərhal ictimaiyyətə sızacaq və Avropada, Ukraynada, ABŞ Konqresində və Amerika mediasında ciddi etirazlara səbəb olacaq.

Günəş Məmmədova