AFAD Sednaya həbsxanası ilə bağlı açıqlama verib
Fövqəladə Hallar və Fövqəladə Halların Rəhbərliyi (AFAD) Suriyanın Sednaya Hərbi Həbsxanasında qapalı qaldığı düşünülən şəxslər üçün axtarış-xilasetmə qrupu göndərib. AFAD rəhbəri Okay Memiş Sednaya Həbsxanası qarşısında görüləcək işlərlə bağlı açıqlama verib.
Crossmedia.az "Haber Global" a istinadən xəbər verir ki, Sednaya Həbsxanası qarşısında açıqlama verən AFAD rəhbəri Okay Memiş qeyd edib:
"Təxminən 5-6 saatlıq bir yoldan sonra Şama gəldik. Sednaya Həbsxanasının qarşısındayıq. Yerli rəhbərliyin tələbi ilə tədbirlərimizi gördük. 43 maşın və 120 işçi qüvvəsi ilə birlikdə Sednaya Həbsxanasının önünə gəldik. Burada mobil telefonlar demək olar ki, işləmir. Peyk telefonları vasitəsilə əlaqə saxlayırıq. Divar arxası görüntüləmə cihazı, yer radarı, it axtarış komandaları ilə bu sahədə axtarışlar aparacağıq. Bura Əsəd rejiminin qeyri-insani rəftarları nəticəsində məhbusların həyatlarını itirdiyi, bəzən ağlını itirdiyi, insan itkisinin olduğu bir ərazidir. Biz də bunun fərqindəyik. Bu həssaslıqla axtarış işlərimizi aparacağıq”.
Tərlan Əmrahova
16:35 16.12.2024
Oxunuş sayı: 17341
