Pezeşkian və Ərdoğan D8 sammitində Suriyanı müzakirə edə bilər
İran Prezidenti Məsud Pezeşkian dekabrın 19-da D8 sammitində iştirak etmək üçün Misirə səfər edəcək. Crossmedia.az bu barədə “Middle East News”a istinadən yazır. Bildirilir ki, Pezeşkian inkişaf etməkdə olan ölkələrin sammiti çərçivəsində ikitərəfli görüşlər keçirəcək.
Eyni zamanda, Türkiyə Prezidenti Rəcəb Tayyib Ərdoğanın da dekabrın 19-da Misirə səfəri planlaşdırılır. Hər iki liderin sammit çərçivəsində görüşərək Suriya ilə bağlı son hadisələri müzakirə edəcəyi gözlənilir.
Qeyd edək ki, D8, yəni İnkişaf Edən 8-lik Təşkilatı, Banqladeş, Misir, İndoneziya, İran, Malayziya, Nigeriya, Pakistan və Türkiyə arasında iqtisadi əməkdaşlıq təşkilatıdır.
Gültac Mehdizadə
08:07 15.12.2024
Oxunuş sayı: 8876
