“OpenAI”nin icraçı direktoru Trampın inauqurasiya fonduna 1 milyon dollar ianə edəcək
“OpenAI”nin icraçı direktoru Sem Altman ABŞ-nin yeni seçilmiş prezidenti Donald Trampın inauqurasiya fonduna şəxsi vəsaitindən 1 milyon dollar ianə edəcək.
Crossmedia.az “Financial Times” qəzetinə istinadla xəbər verir ki, bu, iri texnologiya korporasiyası və Silikon Vadisinin Trampa dəstək əlaməti olaraq atdığı daha bir addımdır.
Qeyd edək ki, o, daha əvvəl “Facebook”, “Instagram” və “WhatsApp”ın sahibi olan “Meta” şirkəti, eləcə də “Amazon” və “Perplexity” axtarış sistemi 1 milyon dollar ianə etdiyini elan edib.
“Prezident Tramp ölkəmizi süni intellekt dövrünə aparacaq və mən onun səylərini dəstəkləməkdən məmnunam”,- deyə o vurğulayıb.
Məlumatda bildirilib ki, Tramp texnologiya icması ilə daha sıx əlaqələr quraraq Silikon Vadisinin dörd investorunun aparıcılıq etdiyi “All-In" və Co Roqan şouları kimi məşhur podkastlarda iştirak edib. O, həmçinin sahibkarları, o cümlədən biznesmen İlon Maskı administrasiyada müxtəlif vəzifələrə təyin edib.
Nəzrin Salmanova
21:12 14.12.2024
Oxunuş sayı: 29654
