Gürcüstanda yeni prezident seçilib
Gürcüstanın yeni prezidenti keçmiş parlament üzvü, vaxtilə məşhur futbolçu olmuş Mixail Kavelaşvili olub.
Crossmedia.az xəbər verir ki, o, 300 nəfərlik seçki kollegiyası tərəfindən seçilib.
Hakim “Gürcü arzusu” partiyasının namizədi Kavelaşvili 224 səs toplayıb. Müxalifət seçkiləri boykot edib.
Xatırladaq ki, 53 yaşlı Kavelaşvili əvvəllər Gürcüstan millisi, Tbilisi “Dinamo”, “Alaniya Vladiqafqaz”, “Mançester Siti” və İsveçrənin aparıcı klublarında çıxış edib. 2018-ci ildən hakim partiyadan millət vəkilidir.
Qeyd edək ki, yeni prezidentin andiçmə mərasimi dekabrın 29-na təyin edilib.
Gültac Mehdizadə
15:17 14.12.2024
Oxunuş sayı: 4098
