Gürcüstanda prezident seçkilərində yeni mərhələ başlayıb
Gürcüstanda prezident seçkiləri yeni bir siyasi mərhələyə qədəm qoyur. Ölkəyə sabitlik və stabillik lazımdır. Azərbaycan da bu sabitlik və davamlılığın tərəfdarıdır və hər iki ölkənin müsbət inkişafı regionda gərginliyin azaldılmasına kömək edə bilər.
Mövzu ilə bağlı politoloq Əziz Əlibəyli Crossmedia.az-a açıqlama verib. “Gürcüstandakı seçkilərin əsas mahiyyəti qlobal toqquşmanın yaşanmasına bağlıdır. Rusiya ilə arasındakı soyuq savaşın isti savaşa keçməsi, Ukraynada real müharibəyə səbəb oldu. Gürcüstanda da siyasi müharibə adlandırsaq, doğru olar. Təbii ki, bu hal regionun təhlükəsizlik sektorunu sıradan çıxarır və digər region ölkələrinə ciddi zərbə vurur. Bu baxımdan Azərbaycanın mövqeyi dəqiqdir. Ermənistanın Qərb agenturasına yuvarlanması, Gürcüstanın da bu xəttə qalması bölgədə böyük problemlərə yol aça bilirdi. Hazırki vəziyyətdə Azərbaycan ilə Gürcüstan yeni hakimiyyət dönəmində birgə çıxış etməli olacaq. Bu, bəlkə bölgənin öz problemlərində həll edilmə şansı yaradır”.
Ekspert bildirib ki, “Digər baxımdan həm Ermənistanın, həm də Gürcüstanın Qərb idarəçiliyinə keçidi bizə böyük milli təhlükəsizlik problemləri də yaradırdı. Standartın qəlibləşməsindən çox, bölgənin siyasi baxışlarının formalaşmasıdır. Bu, Qərbdə bizə qarşı düşmən mövqedə dayanmasının nəticəsində məcburuq ki, onların siyasətinə qarşı reaksiya verək. İndiki şəraitdə hələ ki, Azərbaycan müttəfiqlərinin mövqeyi həlledici olmağa başladı”.
Fidan Hacızadə
11:56 14.12.2024
Oxunuş sayı: 6028
