Zelenski Brüsseldə Avropa liderləri ilə görüşəcək
Zelenski Brüsseldə Avropa liderləri ilə görüşəcək.
Crossmedia.az xəbər verir ki, bu barədə "Reuters" agentliyi məlumat yayıb.
Agentliyin məlumatına görə, Ukrayna prezidenti Vladimir Zelenski dekabrın 18-də Brüsseldə Böyük Britaniya, Fransa, Almaniya, İtaliya, Polşa, NATO və Aİ liderləri ilə Rusiya ilə müharibədə ölkəsinə dəstək məsələsini müzakirə edəcək görüşdə iştirak edəcək.
Görüş NATO-nun baş katibi Mark Rutte tərəfindən təşkil edilir və Aİ-Qərbi Balkanlar sammiti ilə eyni gündə baş tutacaq və Zelenski ilə birgə iclas, bir sıra ikitərəfli görüşlər keçiriləcək.
Reuters xatırladır ki, Zelenski və onun bəzi avropalı müttəfiqləri atəşkəsdən sonra Avropa sülhməramlılarının Ukraynaya yerləşdirilməsinə çağırırlar. Amma iclasda müvafiq qərarların qəbul ediləcəyi gözlənilmir.
“Bu, konkret qərarların qəbul ediləcəyi bir görüş olmayacaq, əksinə, qarşıdakı həftələr və aylar üçün siyasi müzakirə olacaq”, - agentlik öz mənbəsindən sitat gətirir.
18:30 13.12.2024
Oxunuş sayı: 7404
