Poroşenko və 20 deputat “ÇESNO”nun antireytinqində ən çox iştirak etməyənlər arasında
“ÇESNO” hərəkatı Ukrayna Ali Radasının millət vəkilləri arasında iclaslara ən az iştirak edən deputatların siyahısını açıqlayıb. Siyahıya Pyotr Poroşenko, Viktor Medvedçuk, Andrey Dərkaç və digər 20 deputat daxildir.
Crossmedia.az-ın UNIAN-a istinadən verdiyi xəbərə görə, siyahıda adı çəkilən deputatlar 50%-dən çox səsverməyə qatılmayıblar. Antireytinqin lideri olan Poroşenko isə 65%-dən çox səsverməni buraxıb.
Xüsusilə “Oppozisiya Platforması – Həyat Uğrunda” (ОПЗЖ) partiyasından olan deputatların iclaslara qatılmadığı vurğulanıb. Onların bəziləri Poroşenkodan daha çox səsverməni buraxıblar. Viktor Medvedçuk və Andrey Dərkaç kimi bəzi deputatlar isə ölkəni tərk ediblər. Medvedçuk Rusiya ilə əsir mübadiləsi nəticəsində sərbəst buraxılıb, Dərkaç isə hazırda Rusiya Federasiyasında senator kimi fəaliyyət göstərir.
İclaslarda iştirak etməməyin səbəbləri arasında dövlətə xəyanət ittihamları da yer alır. Məsələn, Poroşenko ORDO terrorçuları ilə qanunsuz ticarət aparmaqda ittiham olunur.
Məlumata görə, siyahıdakı bir çox deputat Ukrayna-Rusiya müharibəsinin genişmiqyaslı başlanmasından sonra iclaslara qatılmamağa başlayıb. Xaricə köçən keçmiş deputatlar arasında Yuliya Levoçkina, Natalya Korolevska, Yuriy Solod və Vadim Novinski də var.
Gültac Mehdizadə
15:42 13.12.2024
Oxunuş sayı: 5277
