Türkiyənin dəstəklədiyi ordu Mənbic üzərində nəzarəti ələ keçirdi
Türkiyənin dəstəklədiyi Azad Suriya Ordusu (ASO) Suriyanın şimalında yerləşən Mənbic şəhərini tam nəzarətə götürüb.
Crossmedia.az bu barədə TRT Haber telekanalına istinadən xəbər verir.
Dekabrın 8-də başlayan əməliyyatın məqsədi Türkiyədə qadağan olunmuş Kürdüstan Fəhlə Partiyasını (PKK) əraziyə nəzarətdən məhrum etmək olub. Verilən məlumata görə Mənbic tamamilə “terrorçulardan təmizlənib” və bu, Türkiyənin təhlükəsizliyi üçün vacibdir.
Qeyd edək ki, müxalifətin genişmiqyaslı hücumundan sonra Suriya prezidenti Bəşər Əsəd hakimiyyəti təhvil verərək ölkəni tərk edib. Dekabrın 10-da Məhəmməd əl-Bəşir Suriyanın keçid hökumətinin başçısı təyin edilib.
Gültac Mehdizadə
12:10 12.12.2024
Oxunuş sayı: 7156
