BMT: İsrailin Suriyaya zərbələri beynəlxalq hüququ pozur
"İsrailin Suriya hədəflərinə aviazərbələri beynəlxalq hüququ pozur".
Crossmedia.az TASS-a istinadən xəbər verir ki, bunu BMT-nin İnsan Haqqları üzrə Xüsusi Məruzəçisi Ben Saul deyib.
Onun sözlərinə görə, beynəlxalq hüquq qeyri-dost münasibətlər zəminində dövlətlərin qabaqlayıcı silahsızlaşdırılmasına icazə vermir.
“Əgər bu normaya çevrilsə, bütün dünyada xaosa səbəb olardı. Bu, tamamilə qanunsuzdur”, - Saul İsrailin son hərəkətlərini şərh edərkən vurğulayıb.
Qeyd edək ki, dekabrın 8-də İsrail hərbçiləri Qolan təpələrində Hermon dağ silsiləsinin Suriya tərəfinə nəzarəti elan edib. Əl-Ərəbiyyə telekanalı xəbər verir ki, həmin gün İsrail aviasiyası Suriyada hava hücumundan müdafiə vasitələri, hava bazaları və raket istehsalı da daxil olmaqla onlarla hədəfə hücum edib.
Gültac Mehdizadə
12:05 12.12.2024
Oxunuş sayı: 9250
