Xarici xəbərlər

Avropa İttifaqı Rusiyanın 20 bankına qadağa qoydu - YENİLƏNİB

Avropa İttifaqı Şurası Rusiyaya qarşı 20-ci sanksiya paketini təsdiqləyib.

Crossmedia.az bu barədə TASS-a istinadən xəbər verir.

Qərara əsasən, 2027-ci ildən Rusiya şirkətlərinə mayeləşdirilmiş təbii qaz (LNG) terminallarında xidmətlərin göstərilməsi qadağan ediləcək. Eyni zamanda Rusiyaya kibertəhlükəsizlik xidmətlərinin təqdim olunmasına da məhdudiyyət qoyulacaq.

Sanksiya paketində almaz ticarəti ilə bağlı izlənilmə tələblərinin sərtləşdirilməsi də yer alır. Yeni qaydalara görə, almazların Rusiya ərazisində hasil edilmədiyi, emal olunmadığı və ya istehsal olunmadığı daha ciddi şəkildə yoxlanılacaq.

Bundan əlavə, Rusiyanın Murmansk və Tuapsedəki iki limanı, eləcə də İndoneziyanın Karimun limanındakı neft terminalı ilə əməliyyatlar qadağan edilib.

Sanksiyalar siyahısına həmçinin A7A5 stabilkoininin böyük həcmdə ticarətini həyata keçirən Qırğızıstan şirkəti də daxil edilib.

18:16

Avropa İttifaqı Rusiyanın bank sektoru ilə bağlı yeni məhdudiyyətlər tətbiq edib.

Crossmedia.az bu barədə TASS-a istinadən xəbər verir.

Məlumata görə, Avropa İttifaqı Rusiyanın 20 bankının iştirakı ilə həyata keçirilən maliyyə əməliyyatlarına qadağa qoyub.

Qərarın Rusiya maliyyə sisteminə və beynəlxalq bank əməliyyatlarına əlavə təsirlər göstərə biləcəyi bildirilir.

🖨 Çap et

18:46 23.04.2026

Oxunuş sayı: 343