Qətər yaxın vaxtlarda Suriya səfirliyini yenidən açacağını bildirib
Qətər çərşənbə günü, prezident Bəşər Əl-Əsədin müxalifətin hücumu nəticəsində devrilməsindən sonra, Dəməşqdəki səfirliyini tezliklə yenidən açacağını bildirib.
Crossmedia.az AFP-yə istinadən xəbər verir ki, XİN sözçüsü Məcid əl-Ənsari verdiyi açıqlamada, Körfəz ölkəsinin "lazımi tənzimləmələri başa çatdırdıqdan sonra Suriya Ərəb Respublikası ilə sıx tarixi qardaşlıq əlaqələrini gücləndirmək məqsədilə tezliklə səfirliyini yenidən açacağını" qeyd edib.
Açıqlamada həmçinin bildirilir ki, bu addımın məqsədi "Suriya xalqına humanitar yardımın daha da sürətləndirilməsi üçün müvafiq orqanlarla koordinasiyanı artırmaqdır".
Doha, 2011-ci ilin iyulunda Əl-Əsəd hökumətinə qarşı etirazların müharibəyə çevrilməsindən sonra, Dəməşqdəki diplomatik nümayəndəliyini bağlamış və səfirini geri çağırmışdı.
Digər ərəb ölkələrinin əksinə olaraq, Qətər Əl-Əsədin devrilməsindən sonra belə, Suriya ilə diplomatik əlaqələri bərpa etməmişdi.
Sevinc Abuşova
10:08 12.12.2024
Oxunuş sayı: 5298
