Vuçiç: Müxalifət hökuməti devirmək üçün 426 milyon avro alıb
Serbiya Prezidenti Aleksandar Vuçiç, müxalifəti hökuməti devirmək üçün son dörd ildə xaricdən 426 milyon avro maliyyə dəstəyi almaqda ittiham edib.
Crossmedia.az xəbər verir ki, Vuçiç xalqa müraciəti zamanı bu barədə danışıb. O, tələbələri ittiham etmədiyini qeyd edərək, əsas məsuliyyətin siyasi partiyalar, təzyiq qrupları və təşkilatlarda olduğunu bildirib.
“Mən tələbələri günahlandırmıram, çünki onların 99%-nin bununla əlaqəsi yoxdur. Amma siyasi partiyalar, təşkilatlar və həmkarlar ittifaqları bu prosesin içindədir. Dörd il ərzində xarici fondlardan 426 milyon avro alınıb,” – deyə Vuçiç bildirib.
Serbiya liderinin bu açıqlamaları ölkədəki siyasi vəziyyətdə müxalifət qrupları ilə administrasiya arasında gərginliyin davam etdiyini və xarici müdaxilə iddialarının müzakirələri daha da artırdığını göstərir.
Sevinc Abuşova
09:52 12.12.2024
Oxunuş sayı: 4577
