Süleyman Şah türbəsi əvvəlki yerinə köçürüləcək
Azad Suriya Ordusunun (ASO) Manbiçdə apardığı uğurlu əməliyyat nəticəsində Süleyman Şah türbəsinin taleyi müəyyən edilib.
Crossmedia.az xəbər verir ki, Türkiyə mətbuatına istinadən, türbənin əvvəlki yeri olan Karakozak ərazisi də ASO əməliyyatları çərçivəsində terrorçulardan təmizlənib.
Beləliklə, türbənin əvvəlki yerinə köçürülməsi üçün yol açılıb.
Qeyd etmək lazımdır ki, 2015-ci ildə İŞİD terror təşkilatının intensiv hücumları səbəbindən türbə təhlükə altına düşmüşdü. Buna görə də 39 tank, 57 zirehli maşın, 100 yük maşını və 572 nəfərdən ibarət böyük miqyaslı əməliyyat həyata keçirilərək tarixi türbə Türkiyə-Suriya sərhədindəki Eşmə ərazisinə köçürülmüşdü. ASO-nun uğurlu əməliyyatından sonra türbənin əvvəlki yerinə köçürülməsi gözlənilir.
Sevinc Abuşova
09:32 12.12.2024
Oxunuş sayı: 3256
