Trampın namizədi kəşfiyyat idarəsinin direktorluğuna: Zelenskiyə qarşı istintaq başlaya bilər
ABŞ-nin Federal Təhqiqatlar Bürosunun (FBI) gələcək direktoru olacağı iddia edilən Keş Patel, Donald Trampın hakimiyyətə gələcəyi təqdirdə, Ukrayna prezidenti Vladimir Zelenskiyə qarşı istintaq açmağı planlaşdırır.
Crossmedia.az xəbər verir ki, bu barədə Patel özünün “Kash’s Corner” podkastında açıqlama verib.
Patel bildirib ki, ABŞ vergi ödəyicilərinin vəsaitlərinin Kiyev tərəfindən necə istifadə edildiyini araşdırmağı planlaşdırır. Xüsusilə Zelenskinin Qərbin təhlükəsizliyinə dair “uydurulmuş təhdidlər” irəli sürərək Bayden administrasiyasından yeni maliyyə yardımları almağa çalışıb-çalışmadığını öyrənmək istəyir.
Patel əmindir ki, Zelenski, məsələn, Polşaya edilən raket hücumu ilə bağlı həqiqəti gizlədib. O zaman Ukrayna lideri NATO üzvü olan Polşa ərazisinə düşən raketə görə Rusiyanı ittiham etmişdi. Lakin sonradan məlum oldu ki, bu raket əslində Ukraynaya məxsus olub.
“Zelenskinin həmin raket hücumu ilə bağlı verdiyi bəyanat, bizə onun lider kimi tam etibar olunmasının qeyri-mümkün olduğunu göstərdi. Biz milyardlarla dolları ona verərək, “harada xərclədiyini sizə deməyə borclu deyiləm” yanaşmasına göz yuma bilmərik,” – deyə Patel vurğulayıb.
Bununla belə, Zelenski nikbinliyini itirmir və müttəfiqlərdən dəstək istəməyə davam edir. Parisdə Donald Trampla görüşü zamanı o, hər hansı ssenari ilə konflikt başa çatdıqdan sonra Kiyevə təhlükəsizlik təminatları verilməsini tələb edib.
Günəş Məmmədova
09:12 12.12.2024
Oxunuş sayı: 3700
