Angela Merkelin Rusiya qazı ilə bağlı açıqlamaları: İctimai rəyi yoxlamaq cəhdi?
“Almaniyanın keçmiş kansleri və Xristian-Demokrat İttifaqının (XDI) sabiq lideri Angela Merkelin Rusiya qazının Almaniyaya əvvəlki tədarüklərinin faydaları haqqında danışması, XDI-nın hakimiyyətə qayıdacağı təqdirdə bu tədarüklərin bərpasına ictimai münasibəti öyrənmək cəhdi ola bilər”.
Crossmedia.az xəbər verir ki, bu fikri Almaniya Konstitusiya və Suverenlik Şurasının rəhbəri Ralf Nimeyer səsləndirib.
Nimeyer RIA Novosti-yə açıqlamasında bildirib ki, Merkelin bəyanatı ictimai rəyin bir növ göstəricisi kimi nəzərdə tutula bilər. “Bu mümkündür (bəyanatın ictimai rəyi yoxlamaq məqsədi daşıdığı - red.),” – deyə o qeyd edib.
Ekspert həmçinin XDI-nin hazırkı lideri və potensial kansler namizədi Fridrix Mersin praqmatizmini vurğulayıb. Onun fikrincə, Mers alternativlərin olmadığını başa düşsə, strategiyasını tez bir zamanda dəyişdirə bilər.
Nimeyer əlavə edib ki, Mers praqmatik düşüncələrlə Ukrayna prezidenti Vladimir Zelenskiyə verdiyi bəzi vədləri unuda bilər və Rusiya ilə yeni münasibətlərin qurulması prosesinə başlaya bilər.
Merkel isə xatırladıb ki, Rusiya qazının Almaniyaya tədarükləri uzun illər davam edən ənənə olub və bu, hər iki tərəf üçün fayda gətirib. Keçmiş kansler bu ənənənin Soyuq Müharibə dövründə başladığını və onun hakimiyyəti illərində də davam etdiyini vurğulayıb.
Günəş Məmmədova
08:12 12.12.2024
Oxunuş sayı: 4368
