Makron Polşa ilə məsləhətləşmələrə başlayır
Fransa Prezidenti Emmanuel Makron Ukraynada potensial sülhməramlı missiya ilə bağlı Polşa ilə məsləhətləşmələr aparmağa hazırlaşır.
Bu barədə Crossmedia.az xarici KİV-ə istinadən xəbər verir ki, söhbət ABŞ-ın yeni seçilmiş prezidentinin təşəbbüsü ilə Rusiya və Ukrayna arasında müharibənin dayandırılmasına dair sazişin əldə edilməsindən gedir. Bu saziş çərçivəsində Avropa sülhməramlı qüvvələrinin Ukraynada yerləşdirilməsi və onların yeni təcavüzlərin qarşısını almaq üçün fəaliyyət göstərməsi planlaşdırılır.
Müzakirələrin əsas mövzusu Makronun dekabrın 12-də Varşavaya planlaşdırılan səfəri zamanı gündəmə gələcək. Həmçinin iddia olunur ki, Fransa prezidenti bu məsələni bərpa edilən Notr-Dam kilsəsinin açılışı zamanı ABŞ-ın keçmiş prezidenti Donald Tramp və Ukrayna Prezidenti Vladimir Zelenski ilə müzakirə edib.
16:31 11.12.2024
Oxunuş sayı: 5073
