İsveç Ukraynaya 40 ədəd CV9035 MKIIIC piyada döyüş maşını göndərəcək
İsveç Müdafiə Nazirliyi, BAE Systems Hägglunds şirkəti ilə 205 ədəd CV9035 MKIIIC piyada döyüş maşınının alınması barədə müqavilə imzalayıb. Müqaviləyə əsasən, bu maşınlardan 40-ı Ukraynaya təhvil veriləcək.
Crossmedia.az xarici KİV-ə istinadən xəbər verir ki, çatdırılmaların 2026-cı ildə başlaması və istehsal müəssisələrinin iş yükü səbəbindən 2029-cu ildə tamamlanması planlaşdırılır.
CV9035 MKIIIC modelləri Ukraynada hazırda istifadədə olan CV9040C versiyasından bir sıra üstünlüklərə malikdir. Bu üstünlüklərə yeni şassi, “Iron Fist” aktiv müdafiə sistemi və İsrail istehsalı olan Spike LR tank əleyhinə idarə olunan raketləri daxildir.
Bu təhvilat İsveçin Ukraynaya müdafiə dəstəyini genişləndirmək istiqamətində atdığı mühüm addımlardan biridir.
Aytac Bəhruzqızı
16:20 11.12.2024
Oxunuş sayı: 5061
