Türkiyə MİT-dən PKK/YPG-yə ağır zərbə
Türkiyə Milli Kəşfiyyat İdarəsi (MİT) Suriyada PKK/YPG terror təşkilatına qarşı növbəti əməliyyatını həyata keçirib. MİT-in əldə etdiyi məlumata görə, terrorçular Kamışlı bölgəsində Bəşər Əsəd rejimindən qalan raket, ağır silah və sursatları ərazidən çıxarmağa cəhd göstəriblər.
Crossmedia.az xarici KİV-ə istinadən xəbər verir ki, terrorçuların həmin silahlardan Türkiyə Silahlı Qüvvələrinə qarşı istifadə etməyi planlaşdırdığı müəyyən edildikdən sonra əməliyyata start verilib. Əməliyyat nəticəsində raket və ağır silahlarla dolu 12 yük maşını, iki tank və iki sursat anbarı məhv edilib.
MİT mənbələri həmçinin regionda terrorçulara qarşı mübarizənin qətiyyətlə davam edəcəyini də bildirib.
Aytac Bəhruzqızı
17:08 10.12.2024
Oxunuş sayı: 11440
