Xarici xəbərlər

Deyr əz-Zorda gərginlik: Ərəb qəbilələri PKK/YPG-yə qarşı mübarizədə

Son illərdə Suriyanın şərqində yerləşən və əsasən ərəblərin məskunlaşdığı Deyr əz-Zor bölgəsi münaqişələrin mərkəzinə çevrilib. Ərazidə gərginliklər, ABŞ qüvvələrinin dəstəklədiyi PKK/YPG-nin bölgədə nəzarəti ələ keçirməsindən sonra daha da artıb.

Crossmedia.az xarici KİV-ə istinadən xəbər verir ki, ABŞ qüvvələri bölgədə İŞİD-lə mübarizə bəhanəsi ilə PKK/YPG-ni dəstəkləyib. Lakin bu vəziyyət yerli ərəb qəbilələri arasında narazılıq yaradıb.

Qəbilələr PKK/YPG-nin mövcudluğunu xaricdən tətbiq edilən bir hökmranlıq forması kimi görür və buna görə də müqavimət göstərir. Münaqişələrin daha da dərinləşməsi bölgədəki humanitar vəziyyəti çətinləşdirir. Yerli sakinlər həm hərbi əməliyyatlar, həm də siyasi gərginliklər səbəbindən çətinliklərlə üzləşirlər. Bu vəziyyət Suriyanın şərqində uzunmüddətli sabitlik üçün ciddi maneələr yaradır və beynəlxalq diqqət tələb edir.

Aytac Bəhruzqızı