Lukaşenkodan sərt xəbərdarlıq: “Əgər dövlət sərhədinə…”
Belarus artıq nüvə silahlarına sahibdir.
Crossmedia.az xarici mətbuata istinadla xəbər verir ki, bu sözləri Belarus Prezidenti Aleksandr Lukaşenko deyib.
O, bu bəyanatı nüvə silahı olmayan, lakin böyük gücə malik olan Rusiyanın "Oreşnik" raket kompleksinin Belarusda yerləşdirilməsi planları ilə bağlı suala cavab verərkən səsləndirib.
"Nüvə silahından istifadə etmək böyük məsuliyyətdir. Ən azı Xirosima və Naqasaki hadisələrindən sonra heç kim nüvə silahının düyməsini basmayıb. Mən bütün düşmənlərimi, "dostlarımı" və rəqiblərimi xəbərdar edirəm: əgər dövlət sərhədi xəttinə addım atsanız, cavab dərhal veriləcək. Mən baxmayacağam - nüvə silahıdır, yoxsa başqa bir şey”,-deyə o bildirib.
O qeyd edib ki, ölkədə “Oreşnik" kompleksinin yerləşdirilməsi üçün otuz meydança var və Minsk potensial hədəflərdə minimum məsafəni nəzərə alaraq seçim edəcək.
Nəzrin Salmanova
11:56 10.12.2024
Oxunuş sayı: 39213
