Xarici xəbərlər

İsrail Suriyadakı hərbi obyektlərə bir sıra hava zərbələri endirib

İsrail döyüş təyyarələri paytaxt Dəməşq də daxil olmaqla, Suriya ərazisinə onlarla zərbə endirib.

Crossmedia.az BBC-yə istinadən bildirir ki, çərşənbə axşamı səhər şəhərdə güclü partlayış səsləri eşidilib.

Suriya İnsan Haqları Müşahidə Qrupu (SİHMQ) çərşənbə axşamı səhərdən bəri 100-dən çox, son iki gündə isə 250-yə yaxın hava hücumu həyata keçirildiyini bildirib. Zərbələr hava limanları, aviasiya eskadrilyaları, radarlar, hava hücumundan müdafiə sistemləri və silah anbarları kimi hərbi obyektlərin məhv edilməsinə yönəlib.

SİHMQ həmçinin, hücumların Latakiya liman şəhəri də daxil olmaqla mühüm hərbi obyektləri məhv etdiyini bildirir.

Həftə sonu Heyət Təhrir əl-Şamın başçılıq etdiyi suriyalı üsyançıların Dəməşqdə hakimiyyəti ələ keçirməsi prezident Bəşər Əsədin Rusiyaya qaçmasına və ona sığınacaq verilməsinə səbəb olub.

Gültac Mehdizadə

🖨 Çap et

11:20 10.12.2024

Oxunuş sayı: 19244