Fəxrəddin Altun: Suriyanın sabitliyi və təhlükəsizliyi ən vacib prioritetimizdir
Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun Suriyada müxaliflərin irəliləməsi nəticəsində Əsədin devrilməsini qiymətləndirib.
Crossmedia.az “CNN”ə istinadla xəbər verir ki, o, 8 dekabr etibarilə Suriya üçün yeni bir səhifə açıldığını vurğulayıb:
“13 ilin sonunda, 60 ildən çoxdur ki, ölkəsini zülmlə idarə edən Bəşər Əsəd rejimi devrildi və dekabrın 8-dən etibarən Suriya üçün yeni bir səhifə açıldı. Prezidentimiz cənab Rəcəb Tayyib Ərdoğanın da ifadə etdiyi kimi, bütün etnik və dini qrupları əhatə edən unitar dövlət quruluşu ilə Suriyanın ərazi bütövlüyünü dəstəkləyəcəyik. Sülh nümayişlərinin başladığı ilk gündən etibarən Suriyada həmişə həllin, sülhün və ədalətin tərəfində olduğumuz kimi bundan sonra da sülh, azadlıq və ədalət mərkəzli siyasətimizi davam etdirəcəyik. Suriyanın sabitliyi, təhlükəsizliyi və Suriya xalqının azad iradəsinin təcəssümü bizim ən böyük və ən vacib prioritetimizdir” ,- deyə o bildirib.
Nəzrin Salmanova
10:55 10.12.2024
Oxunuş sayı: 27096
