Suriya hökuməti hakimiyyəti təhvil verməyə hazırdır - Baş nazir
Suriyanın baş naziri Məhəmməd Qazi əl-Cəlali silahlı müxalifət qüvvələri ilə davam edən danışıqlar fonunda hökumətin hakimiyyəti dinc yolla təhvil verməyə hazır olduğunu açıqlayıb.
Crossmedia.az xarici KİV-ə istinadən bildirir ki, əl-Cəlali Suriya xalqının əsas ehtiyaclarının qarşılanmasının prioritet olduğunu vurğulayıb.
Qeyd edək ki, silahlı müxalifət birlikləri noyabrın 27-də böyük hücuma başlayıb və dekabrın 8-dək Hələb, Həma və Dəməşq də daxil olmaqla mühüm şəhərləri ələ keçirib. Rusiya Xarici İşlər Nazirliyinin məlumatına görə, prezident Bəşər Əsədin istefaya getməsi və ölkəni tərk etməsi ilə bağlı hökumət qüvvələri paytaxtdan geri çəkilib.
Gültac Mehdizadə
05:04 10.12.2024
Oxunuş sayı: 6550
