Xarici xəbərlər

Zelenski münaqişənin dondurulmasını Makron və Trampla müzakirə edib

Ukraynanın dövlət başcısı Volodimir Zelenski, Fransanın prezidenti Emmanuel Makron və ABŞ-ın yeni seçilmiş prezidenti Donald Trampla görüşündə Rusiyanın müharibəni dayandırmaq istəmədiyini açıqlayıb.

Crossmedia.az xəbər verir ki, o, silah və digər yardımlara ehtiyac olduğunu vurğulayaraq Qərbi, Moskvanı sülhə “məcbur etmək” üçün Ukraynanı gücləndirməyə çağırıb.

Müzakirədən sonra Tramp mümkün eskalasiya barədə xəbərdarlıq edərək Kiyev və Moskva arasında təcili danışıqlara çağırıb. Zelenski öz növbəsində Rusiyanın sülh şərtlərini rədd edərək, onları ultimatum adlandırıb.

Qeyd edək ki, Rusiya danışıqlara hazır olduğunu bəyan edir, lakin “yerdəki reallıqların” nəzərə alınmasını tələb edir. Moskva Qərbin Kiyevə dəstəyini pisləyir və hesab edir ki, bu, yalnız münaqişəni uzadır. Ukrayna Rusiya qoşunlarının işğal olunmuş ərazilərdən çıxarılmasını nəzərdə tutan “sülh formulu”nun həyata keçirilməsində israr etməkdə davam edir.

Gültac Mehdizadə