Qazaxıstan hərbçiləri: Qolan yüksəkliklərində vəziyyət sabitdir
Qolan təpələrində BMT missiyasını yerinə yetirən Qazaxıstan hərbi kontingentinin məsuliyyət zonasında vəziyyət gərgin olaraq qalır, lakin sabit kimi qiymətləndirilir.
Crossmedia.az bu barədə Qazaxıstan Müdafiə Nazirliyi məlumatına əsasən xəbər verir.
“BMT-nin Müşahidəçi Qüvvəsinin səlahiyyətli rəsmiləri Suriya və İsrail tərəflərinin nümayəndələri ilə daimi təmasdadır. Sülhməramlıların təhlükəsizliyini təmin etmək üçün lazımi tədbirlər görülür”, - deyə departamentdən bildirilib.
Xatırladaq ki, bu ilin mart ayında 139 qazaxıstanlı hərbi qulluqçu Qolan təpələrinə göndərilib. Onlar BMT-nin mandatı çərçivəsində döyüşən tərəflər arasında atəşkəsin təmin edilməsi üzrə tapşırıqları yerinə yetirirlər.
Gültac Mehdizadə
17:16 09.12.2024
Oxunuş sayı: 17865
