İran, Türkiyə və Rusiya Suriya məsələsində anlaşdı
Tehran, Ankara və Moskva Suriyada sülhün və sabitliyin təmin edilməsi, gərginliklərin azaldılması və hücumların qarşısının alınması üçün əməkdaşlıq barədə razılığa gəlib.
Crossmedia.az xarici KİV-ə istinadən xəbər verir ki, bunu İranın xarici işlər naziri Abbas Əraqçı söyləyib.
Əraqçı vurğulayıb ki, son hadisələr Astana prosesinin ruhuna ziddir. Onun sözlərinə görə, Astana prosesi Suriya hökuməti ilə müxalifət arasında dialoqu təşviq etməyi hədəfləyir:
“Əsəd hökuməti bu istiqamətdə kifayət qədər çevik və effektiv addımlar ata bilmədi. Suriya ordusu öz funksiyalarını tam icra etməkdə çətinlik çəkdi. Ordunun ölkənin daxili problemlərinin həlli və ya müxalifətlə qarşıdurmada əsas vasitə kimi görülməsi düzgün deyil,” - deyə Əraqçı bildirib.
Nazir əlavə edib ki, İran yalnız məsləhət xarakterli dəstək göstərir və Suriyanın daxili məsələlərinin həlli ilə bağlı qərarlar tamamilə Suriya hökumətinə məxsusdur.
Aytac Bəhruzqızı
15:16 09.12.2024
Oxunuş sayı: 20439
