Hakan Fidan: Hər kəs suriyalıları tərk edəndə Türkiyə onların yanında oldu
Türkiyə Xarici İşlər naziri Hakan Fidan 15-ci səfirlər toplantısında çıxış edib.
Crossmedia.az Türkiyə mətbuatına istinadla bildirir ki, o, Türkiyənin Suriyanın ərazi bütövlüyünü dəstəkləyəcəyini və suriyalıların təhlükəsiz geri dönüşlərini təmin etmək üçün çalışmalarını davam etdirəcəyini vurğulayıb.
Nazir qeyd edib ki, Türkiyə 13 ildir Suriya məsələsində mövqeyini qoruyub saxlayır və suriyalılara dəstək verir:
"13 ildir ki, həm ikitərəfli, həm də çoxtərəfli platformalarda doğru bildiyimizi müdafiə edirik. Hər kəs suriyalıları tərk edəndə, Türkiyə onların yanında oldu. Prezidentimizin güclü iradəsi, ümidini itirən suriyalılar üçün ümid işığı olmağa davam edir." ,- deyə o bildirib.
Nəzrin Salmanova
10:37 09.12.2024
Oxunuş sayı: 24475
