Sərhəddə gərginlik: İsrail Suriya ilə razılaşmanı dayandırdı və əməliyyata başladı
İsrailin baş naziri Benyamin Netanyahu, ordusunun Qolan Təpələrindəki demilitarizasiya edilmiş bufer zonasına nəzarəti müvəqqəti olaraq ələ keçirdiyini elan edib.
Bu barədə Crossmedia.az "The Times of Israel"a istinadən yazır.
O bildirib ki, Suriya ilə İsrail arasındakı qoşunların təcrid olunmasına dair 1974-cü ildə əldə edilən razılaşma qüvvədən düşür. Baş nazir həmçinin İsrail ordusunun bufer zonada Suriya mövqelərini ələ keçirməsinin "uyğun tənzimləmə tapılana qədər müvəqqəti müdafiə mövqeyi" olduğunu söyləyib.
Eyni zamanda, İsrail ordusu Suriyanın cənubunda əməliyyata başlayıb. Ordunun GLZ radiosuna verdiyi məlumata görə, əməliyyat Suriya-İsrail sərhədindəki silahlı şəxslərlə bağlıdır və bir neçə gün davam edə bilər.
İsrail ordusunun sözçüsü Avichai Adrai bölgə sakinlərini evdə qalmağa çağırıb. Bu vaxt Suriya müxalifət lideri Əhməd əş-Şara İsrailin işğal etdiyi bütün Suriya ərazilərinin qaytarılacağını bildirib.
Gültac Mehdizadə
18:01 08.12.2024
Oxunuş sayı: 10609
