Cənubi Koreyada KXDR-ə zərbə endirmə ehtimalı müzakirə edilib
Cənubi Koreyada hərbi vəziyyət tətbiq olunmazdan əvvəl hərbçilər zibillə havaya buraxılan şarlara cavab olaraq KXDR-i vurmağı müzakirə ediblər.
Crossmedia.az xarici KİV-ə istinadən xəbər verir ki, bu barədə deputat Li Ki Honq çıxış edib.
Onun sözlərinə görə, keçmiş müdafiə naziri Kim Yon Hyun prezident Yoon Seok Yeola hərbi vəziyyət tətbiq etməyi təklif edib və Birləşmiş Qərargah Rəisləri Komitəsinin sədri Kim Myung Sooya hava şarlarının buraxılış nöqtələrinə xəbərdarlıq atəşi açmağı tapşırıb. Lakin komandanlığın müqaviməti nəticəsində bu göstərişlər yerinə yetirilməyib.
Vahid Komandanlıq bu cür taktikaların müzakirə olunduğunu təsdiqləsə də, zərbələr üçün rəsmi göstərişlərin olmadığını bildirib.
Cənubi Koreyada siyasi böhran prezident Yoon Seok-yeolun dekabrın 3-də müxalifəti konstitusiya quruluşunu sarsıtmaqda və Şimali Koreyanı dəstəkləməkdə ittiham edərək hərbi vəziyyət elan etməsindən sonra daha da güclənib. Qərar hökumət məmurlarına qarşı impiçment cəhdləri ilə bağlı mübahisələr fonunda qəbul edilib.
Gültac Mehdizadə
12:12 08.12.2024
Oxunuş sayı: 13024
