Xarici xəbərlər

Lukaşenko və Putin saziş imzalayıblar

Dekabrın 6-da Minskdə Aleksandr Lukaşenko və Vladimir Putin İttifaq dövləti çərçivəsində təhlükəsizlik təminatlarına dair dövlətlərarası saziş imzalayıblar.

Crossmedia.az xəbər verir ki, sənəd Rusiya və Belarusun müdafiə, hər iki ölkənin suverenliyi və ərazi bütövlüyünün qorunması üzrə müttəfiq öhdəliklərini nəzərdə tutur. Vladimir Putinin dediyi kimi, saziş Lukaşenkonun təklifi ilə Belarusda yerləşdirilən taktiki nüvə silahı da daxil olmaqla, bütün mövcud qüvvə və vasitələrin istifadəsini əhatə edir.

Rusiya və Belarus liderlərinin fikrincə, bu, təhlükəsizliyi gücləndirəcək, iki ölkə vətəndaşlarının müstəqilliyini və dinc həyatını təmin edəcək. Lukaşenko qeyd edib ki, bu sənədlərin hazırlanması Qərbdə narahatlıq yaradıb.

Gültac Mehdizadə