Ərdoğan Quterreşlə Suriya məsələsini müzakirə etdi
Türkiyə prezidenti Rəcəb Tayyib Ərdoğan Birləşmiş Millətlər Təşkilatının baş katibi Antonio Quterreşlə telefonla danışıb.
Crossmedia.az türk mətbuatına istinadən xəbər verir ki, görüşdə, regional və qlobal məsələlər, Suriyada baş verən hadisələr müzakirə olunub.
Türkiyə prezidenti söhbət zamanı Suriya münaqişəsinin yeni mərhələyə qədəm qoyduğunu bildirib. Onun sözlərinə görə, Türkiyənin ən böyük arzusu Suriyanın sabit yaşaması və mülki itkilər verməməsidir.
Ərdoğan həmçinin qeyd edib ki, Türkiyə gərginliyin azaldılması, mülki şəxslərin müdafiəsi, siyasi proseslərə zəmin yaradılması üçün səylər göstərir və bundan sonra da göstərməyə davam edəcək.
Aybəniz Səfərova
09:56 06.12.2024
Oxunuş sayı: 4623
