Ukraynanın Avropa İttifaqına üzv qəbul olunması niyə real görünmür?
Ukraynanın Avropa İttifaqına üzv qəbul olunması niyə real görünmür?
Ukraynanın Avropa İttifaqına inteqrasiya perspektivi müharibə fonunda beynəlxalq siyasi müzakirələrin əsas mövzularından biri olaraq qalır. Lakin mövcud hərbi və təhlükəsizlik reallıqları bu prosesin nə dərəcədə real və ya mümkün olması ilə bağlı fərqli yanaşmaların ortaya çıxmasına səbəb olur.
Xüsusilə, davam edən münaqişə, regional təhlükəsizlik riskləri və geosiyasi balans məsələləri Ukraynanın Avropa İttifaqı ilə münasibətlərinin yaxın perspektivdə hansı istiqamətdə inkişaf edəcəyi sualını daha da aktuallaşdırır.
Məsələ ilə bağlı siyasi şərhçi Turab Rzayev Crossmedia.az-a açıqlama verib:
"Məncə iki məqamda Avropa İttifaqı tərəfindən səsləndirilən fikirlər daha çox təbliğat xarakteri daşıyır. Çünki bu şəkildə Ukraynanın Avropa Birliyinə daxil olmasının mümkün olduğunu düşünmürəm.
Faktiki olaraq, Ukrayna hazırda nüvə gücünə malik olan bir dövlətlə müharibə vəziyyətindədir. Belə olan halda Avropa Birliyinə daxil olmaq mümkün deyil. Nüvə gücünə malik olan dövlətlə müharibə şəraitində olan ölkənin bu mərhələdə birliyə üzv qəbul olunması real görünmür. Qarşı tərəfdə nüvə gücünə malik olan bir dövlət olduğu üçün belə bir prosesin baş verməsi mümkün deyil".
Ayhan
11:23 19.02.2026
Oxunuş sayı: 426
