«Şeytan məbədi» Rusiyada arzuolunmaz təşkilat kimi tanınır
Rusiya Baş Prokurorluğu Amerikanın "Şeytan məbədi" təşkilatını ölkədə arzuolunmaz təşkilat kimi tanıyıb.
Crossmedia.az xarici KİV-ə istinadən xəbər verir ki, təşkilatın fəaliyyəti gizli ideologiyanın təbliği və şeytani simvollardan istifadə etməklə ənənəvi mənəvi-əxlaqi dəyərləri gözdən salmaq məqsədi daşıyır.
Qeyd edək ki, “Şeytan Məbədi” 2012-ci ildə ABŞ-da qeydə alınıb və dünya üzrə 10 milyona yaxın izləyicisi var. Prokurorluğun məlumatına görə, təşkilat ekstremist hərəkatları dəstəkləyir, xüsusi hərbi əməliyyat barədə mənfi danışır və Rusiyada konstitusiya quruluşunu devirməyə çağırır.
Gültac Mehdizadə
10:48 04.12.2024
Oxunuş sayı: 5099
