“Rəfah” keçid məntəqəsi dekabrda açıla bilər
Misir və İsrail “Rəfah” sərhəd-keçid məntəqəsinin yenidən açılması ilə bağlı danışıqlar aparır.
Crossmedia.az “WSJ”-yə istinadla xəbər verir ki, keçid məntəqəsi Qəzza zolağına humanitar yardımın çatdırılmasında mühüm rol oynayır.
Məlumatda bildirilib ki, məntəqə dekabrın əvvəlində açıla bilər. Misir rəsmiləri artıq İsraillə danışıqlar aparıblar və Həmas nümayəndələri bu gün Qahirəyə gələcəklər.
Qeyd edək ki, İsrail anklavda nəzarəti saxlayacaq, Fələstin tərəfinə nəzarət isə Həmasdan Fələstin Muxtariyyətinə keçəcək. “Rəfah” keçid məntəqəsindən hər gün 200-ə qədər humanitar yardım daşıyan yük maşını keçə biləcək.
Eyni zamanda İsrailin Baş naziri Benyamin Netanyahunun sözlərinə görə, Həmas tamamilə məhv edilənə qədər odu Qəzzada hərbi əməliyyatları davam etdirəcək.
Nəzrin Salmanova
17:39 30.11.2024
Oxunuş sayı: 24677
