Rusiya Aerokosmik Qüvvələrindən Hələbə zərbə
Rusiya Aerokosmik Qüvvələri Hələbə 2016-cı ildən bəri ilk dəfə zərbə endirib.
Rusiya hərbi-kosmik qüvvələri və Suriya aviasiyası Hələb və onun ətrafındakı “Həyat Təhrir əş-Şam” üsyançı qruplaşmasının mövqelərinə hücum edib.
Crossmedia.az "Reuters"-ə istinadən xəbər verir ki, Rusiya tərəfi Hələb və İdlib əyalətlərində silahlılara zərbələr endirdiyini təsdiqləyib. Həmçinin Dəməşqə hərbi dəstəyin gücləndiriləcəyi açıqlanıb: növbəti 72 saat ərzində əlavə yardım göndəriləcək.
Xatırladaq ki, Rusiya 2015-ci ildən Bəşər Əsəd rejimini dəstəkləyir. Moskva və Tehranın köməyi ilə Hələb hökumət qüvvələrinin nəzarətinə qaytarıldı.
Gültac Mehdizadə
17:16 30.11.2024
Oxunuş sayı: 5246
