Hacıqabulda RİİB könüllüləri ilə ilin yekunları müzakirə edildi
Hacıqabulda Regional İnkişaf İctimai Birliyi (RİİB) müxtəlif bölgələrdən olan könüllüləri ilə görüş keçirərək 2025-ci ilin yekunlarını müzakirə edib.
Crossmedia.az xəbər verir ki, bu barədə Azərbaycan Respublikası Prezidentinin köməkçisi Anar Ələkbərov öz sosial şəbəkə hesabında paylaşım edib.
RİİB-in rəhbərliyi bildirib ki, 2025-ci il təşkilat üçün məsuliyyət, fədakarlıq və real nəticələrlə yadda qalıb. Sosial, səhiyyə, təhsil və ekoloji sahələrdə həyata keçirilən layihələr minlərlə insanın həyatına dəstək və ümid gətirib.
Görüşdə vurğulanıb ki, RİİB könüllüləri cəmiyyətin ən etibarlı dayaqlarından biridir. Təşkilat hər bir könüllüyə göstərdikləri səylərə görə təşəkkürünü bildirib və gələcək illərdə də eyni əzmlə fəaliyyətlərini davam etdirmələrini arzulayıb.
11:02 26.12.2025
Oxunuş sayı: 1339
