Media Agentliyinin tədbirində jurnalistlərə yeni narrativlər öyrədildi
ADA Universitetində “Storytelling: müasir publisistikanın yeni narrativləri və aktual trendləri” mövzusunda peşəkar təlim keçirilib. Dekabrın 10-da baş tutan tədbirdə mediada yeni nəsil hekayələndirmə metodları, rəqəmsal platformalarda narrativ quruculuğu, auditoriya ilə emosional bağ yaratmaq texnikaları və çağdaş publisistikanın yenilənən tendensiyaları müzakirə olunub.
İştirakçılar mediada hadisələrin təqdimatında yeni yaradıcılıq yanaşmaları, hekayə strukturlarının effektiv istifadəsi, sosial şəbəkələrdə mətn və vizual sintezi kimi mövzularda praktiki biliklər əldə ediblər.
Tədbirdə Crossmedia.az-ın müxbiri Ayhan Ağarzayev də iştirak edib. O, təlim proqramını uğurla tamamlayaraq sertifikatla təltif olunub.
Təlimin təşkilatçıları qeyd ediblər ki, müasir media mühitində storytelling bacarıqları jurnalist üçün əsas kompetensiyalardan birinə çevrilib və bu tip seminarlar peşəkar inkişafda mühüm rol oynayır.
21:25 10.12.2025
Oxunuş sayı: 1695
