Ukrayna daxilində nə baş verir?: Zelenski buna məcburdur
Ukraynada siyasi komanda daxilində artan gərginlik və korrupsiya iddiaları fonunda hökumətə qarşı ciddi təzyiqlər formalaşmaqdadır. Zelenski administrasiyası son günlər həm daxili, həm də xarici tərəfdaşların ciddi tənqidlərinə məruz qalır. Xüsusilə də bir sıra nazirlərin və yüksək vəzifəli şəxslərin adı korrupsiya ittihamlarında hallanması, komandanın bütövlükdə hədəfə alınması təsadüfi görünmür. Ukrayna Prezident Ofisinin rəjbərio Andrey Yermakın istefası bunun ən bariz nümunəsidir.
Məhz bu proseslər fonunda Ukraynaya göstərilən xarici maliyyə yardımının davamlılığı da sual altına düşür. Zelenskiyə qarşı aparılan kampaniyanın əsas məqsədlərindən birinin xarici dəstəyi zəiflətmək və administrasiya üzərində təzyiqi artırmaq olduğu bildirilir. Belə bir şəraitdə Kiyev rəhbərliyi yardımların axınının dayanmasına yol verməmək üçün müəyyən tənzimləmələrə getmək məcburiyyətində qalır.
Mövzu ilə bağlı beynəlxalq məsələlər üzrə ekspert Əziz Əlibəyli Crossmedia.az-a açıqlama verib:
“Bu məsələ əsasən korrupsiya ilə bağlıdır. Sadəcə olaraq prosesi yekunlaşdırmağa çalışırlar. Zelenskinin administrasiyasına və xaricdən gələn bütün maliyyə dəstəklərinə administrativ qaydada nəzarəti azaltmaq, hətta müəyyən məqamlarda həmin yardımları kəsmək planın əsas məqsədlərindən biridir. Təkcə keçmiş Ukrayna prezident administrasiyası rəhbəri Yermak üzərindən deyil, bir çox nazirlərin də adı hallanır. Ümumiyyətlə, komandanın özünə qarşı genişmiqyaslı bir kampaniya aparıldığı açıq şəkildə görünür. Bu səbəbdən Zelenski, dediyim kimi, xarici yardımların davamlı şəkildə ölkəyə daxil olmasını təmin etmək üçün müəyyən tənzimləmələrə getməyə məcbur qalır”.
Ayhan
21:56 29.11.2025
Oxunuş sayı: 1124
