Almaniya hökuməti Beynəlxalq Cinayət Məhkəməsini dəstəklədiyini bəyan edib
Almaniya hökuməti Beynəlxalq Cinayət Məhkəməsinin (BCM) İsrailin Baş naziri Benyamin Netanyahu və keçmiş müdafiə naziri Yoav Gallant haqqında çıxardığı həbs qərarını dəstəklədiyini vurğulayıb.
Crossmedia.az xarici KİV-ə istinadən xəbər verir ki, hökumət sözçüsü Şteffen Hebeştrayt vurğulayıb ki, Almaniya bu məsələni diqqətlə araşdırır. O əlavə edib: “Netanyahu və Gallantın Almaniyaya səfəri planlaşdırıldıqda daha dəqiq məlumat əldə edə biləcəyik”.
Hebeştrayt həmçinin qeyd edib ki, Almaniya BCM-nin ən əsas tərəfdarlarından biridir. O bildirib ki, Almaniyanın tarixi keçmişi ilə əlaqədar İsrailə xüsusi məsuliyyəti var: “Bu, Almaniya tarixindən irəli gələn unikal münasibətlərin davamıdır”.
Almaniya hökumətinin bu açıqlaması beynəlxalq aləmdə diqqət mərkəzinə çevrilib və İsrail rəhbərliyinə qarşı aparılan hüquqi proseslərə xüsusi maraq yaradıb. Bununla yanaşı, Almaniya BCM-nin qərarını qiymətləndirməkdə ehtiyatlı davranır.
Elnurə Kərimova
13:45 22.11.2024
Oxunuş sayı: 16645
