Politoloq: Crossmedia.az Azərbaycan ictimaiyyətinin maariflənməsinə öz töhfəsini verir
Crossmedia Analitik İnformasiya Portalının fəaliyyətə başlamasının bir ili tamam olur. İldönümü ərəfəsində redaksiyamıza təbriklər gəlməyə davam edir.
Politoloq Sultan Zahidov Crossmedia.az-ın bir yaşı ilə bağlı fikirlərini bölüşüb:
“Mən artıq bir ildir ki, bu media platforması ilə əməkdaşlıq edirəm.
Bilirəm ki, bu media qurumunun yaranmasında Bakı Dövlət Universitetinin Jurnalistika fakültəsinin rəhbərliyinin və tələbələrinin mühüm rolu olub.
Qeyd etmək istərdim ki, bu müddət ərzində Crossmedia.az komandası ilə əməkdaşlığım boyu yalnız və yalnız peşəkarlığın, işinə məsuliyyətlə yanaşmanın, yüksək intellektuallığın və geniş erudisiyanın şahidi olmuşam.
Bu da məndə belə bir təəssürat yaradıb ki, Crossmedia.az komandasının tərkibində hələ peşəkar fəaliyyətə yeni başlayan tələbələr də var. Ancaq nlar kifayət qədər bacarıqlı, istedadlı və araşdırma qabiliyyətinə malik gənclərdir. Məhz bu keyfiyyətlər sayəsində Crossmsedia.az Azərbaycan ictimaiyyətinin maariflənməsinə və bilik səviyyəsinin artmasına öz töhfəsini verir.
Deyə bilərəm ki, Crossmedia.az kifayət qədər uğurlu bir layihədir.
Yaranmasından cəmi bir il keçməsinə baxmayaraq, ölkə ictimaiyyətinin maariflənməsində mühüm rol oynayır. Fəaliyyət göstərən əməkdaşları böyük peşəkarlıq nümayiş etdirirlər.
Bu münasibətlə Crossmedia.az komandasını səmimi qəlbdən təbrik edirəm — həm bir yaşını qeyd etdiyinə, həm də bu qədər qısa zamanda bu qədər böyük uğurlara imza atdığına görə.
Bundan sonrakı fəaliyyətinizdə sizə daha böyük nailiyyətlər arzulayıram.
Əminəm ki, Crossmedia.az gələcəkdə daha geniş auditoriyaya müraciət edə biləcək, ölkəmiz və cəmiyyətimiz üçün daha çox faydalı işlər görəcək.
Bir daha Crossmedia.az rəhbərliyinə və bütün əməkdaşlarına təşəkkürümü bildirirəm.
Və inşallah, bundan sonra da bu platforma ilə sevə-sevə əməkdaşlığımı davam etdirməyə hazıram”.
Türkanə Məşədiyeva
12:48 03.11.2025
Oxunuş sayı: 1618
