Hərbi ekspert: Crossmedia.az informasiyaları balanslaşdırılmış şəkildə, qanunvericiliyin tələblərinə uyğun formada təqdim edir
Crossmedia.az Analitik İnformasiya Portalının fəaliyyətə başlamasından bir il keçir. Noyabrın 1-də saytın yaranmasının 1 yaşı tamam olur. İldönümü ərəfəsində redaksiyamıza təbriklər artıq daxil olmağa davam edir.
Hərbi ekspert Ramil Məmmədli Crossmedia.az-ın 1 yaşı münasibətilə öz fikirlərini bölüşüb:
"Crossmedia.az-ın yaradılması və təsis olunması münasibətilə sizi və kollektivinizi səmimi qəlbdən təbrik edirəm.
Bu mətbuat orqanı öz peşəkar fəaliyyəti, aydın mövqeyi və obyektiv yanaşması ilə digər media qurumlarından fərqlənir. Mən daim Crossmedia.az-ın fəaliyyətini izləyirəm və qeyd etməliyəm ki, siz informasiyaları balanslaşdırılmış şəkildə, media prinsiplərinə və qanunvericiliyin tələblərinə uyğun formada təqdim edirsiniz. Tərəflərin mövqelərinin obyektiv əks etdirilməsi, sözün əsl mənasında, peşəkar jurnalistikanın göstəricisidir.
Digər mühüm cəhət isə kollektivinizin peşəkar və məsuliyyətli yanaşmasıdır. Bu xüsusiyyət xüsusilə müasir dövrdə Azərbaycan mətbuatı üçün son dərəcə vacibdir. Üstəlik, gənc və perspektivli jurnalistlərdən ibarət yaradıcı bir kollektivin formalaşdırılması gələcəkdə Crossmedia.az-ın daha da inkişaf edərək, ölkə mediasında mühüm yer tutacağına inam yaradır".
Elmir Heydərli
23:21 01.11.2025
Oxunuş sayı: 1651
