ABŞ Hizbullah-İsrail atəşkəsini təmin etmək səylərini artırır
ABŞ İsrail və Hizbullah arasında atəşkəs üçün danışıqları fəallaşdırıb. Bu məqsədlə ABŞ nümayəndəsi Livana səfər edərək razılıq əldə etmək üçün görüşlər keçirəcək.
Crossmedia.az xarici KİV-ə istinadən xəbər verir ki, keçən həftə ABŞ səfiri Livan Parlament Spikeri Nabih Berriyə razılıq layihəsi təqdim edib. Bu danışıqlarda Hizbullah əsas tərəf kimi çıxış edir.
Qeyd edək ki, İsrailin cənub Livan, Bekaa vadisi və Beyrutun Dahiyə məhəlləsinə hücumları güclənib. Beyrutun mərkəzi də hədəfə alınıb, həmçinin Hizbullah sözçüsü Məhəmməd Əfif həyatını itirib.
Livan hökuməti İsrailin bu addımını Hizbullah və ölkəni razılığa məcbur etmək üçün genişlənən hücum strategiyası kimi dəyərləndirir.
Livan BMT-nin 1701 saylı qətnaməsi əsasında bir razılığın əldə edilməsini vacib sayır. Bu qətnamə Hizbullahın cənubdan çəkilməsi və Litani çayına qədər ərazilərin silahlardan təmizlənməsini nəzərdə tutur.
Razılığın həyata keçirilməsi üçün beynəlxalq nəzarət mexanizminin yaradılması və Livan ordusunun cənubda möhkəmləndirilməsi müzakirə olunur.
Livan səhiyyə nazirliyinin dinc əhali ilə döyüşçülər arasında fərq qoymadığına görə, son bir ildə 3841 nəfər həlak olub, 15,000-dən çox insan yaralanıb, bir milyondan çox insan məcburi köçkün düşüb.
İsrail isə münaqişədə 31 əsgər və 45 mülki şəxsin öldüyünü, Livandakı döyüşlərdə 45 əsgərinin həyatını itirdiyini açıqlayıb.
İsrailin hava zərbələri Hizbullahın infrastrukturunun böyük hissəsini məhv edib və bir çox liderlərini öldürüb, lakin qrup eyni intensivliklə olmasa da, gündəlik hücumlarını davam etdirir.
Elnurə Kərimova
16:07 18.11.2024
Oxunuş sayı: 8583
