Rusiya Baydenin qərarına reaksiya verib
ABŞ Prezidenti Co Baydenin Ukraynaya uzaqmənzilli raketlər vermə qərarı Rusiyada ciddi narazılıq doğurub.
Crossmedia.az xəbər verir ki, Rusiya hökumətinə aid "Rossiyskaya Gazeta" bunu "Bayden administrasiyasının ən təxribatçı qərarlarından biri" adlandıraraq, bunun "fəlakətli nəticələrə yol aça biləcəyini" bildirib.
Rusiya Liberal Demokrat Partiyasının rəhbəri Leonid Slutski qərarın "qaçılmaz olaraq eskalasiyaya və ciddi nəticələrə gətirib çıxaracağını" söyləyib. Senator Vladimir Jabarov isə bunu "Üçüncü Dünya Müharibəsinə atılan addım" kimi qiymətləndirib.
Kreml yanvar ayında Baydenin yerinə keçəcək Donald Trampın bu qərarı dəyişdirə biləcəyini ümid edir.
Son aylarda Putin Qərbə dəfələrlə xəbərdarlıq edib: "Uzaqmənzilli raketlərin Ukraynaya verilməsi NATO-nun birbaşa müharibəyə qoşulması kimi qəbul olunacaq".
Putin həmçinin bildirmişdi ki, Rusiya yalnız müdafiə tədbirləri görməyəcək, həm də Qərbin xaricdəki hədəflərini vurmaq üçün Qərb düşmənlərini silahlandırmaq Moskvanın düşündüyü bir şeydir.
Belarus lideri Lukaşenko da xəbərdarlıq edib ki, bu qərar Rusiyanın Qərbə qarşı ciddi cavab tədbirləri görməsi ilə nəticələnə bilər.
Elnurə Kərimova
12:51 18.11.2024
Oxunuş sayı: 6450
