İsrailin İrana hücumu ilə bağlı məxfi planı ötürən şübhəli həbs edilib
ABŞ rəsmiləri Mərkəzi Kəşfiyyat İdarəsinin ( MKİ) rəsmisini keçən ayın sonunda İsrailin İrana hərbi cavab planlarına dair çox məxfi sənədlərin açıqlanmasında əli olmaqda ittiham edib.
Crossmedia.az xəbər verir ki, bu barədə “The New York Times” yazıb.
Bildirilib ki, MKİ-də çalışan Asif Rəhman Kambocada Federal Təhqiqat Bürosunun əməkdaşları tərəfindən həbs edilib və onun federal məhkəmə qarşısında çıxış edəcəyi gözlənilir.
Məlumata görə, ittiham olunan şəxsin ifşa etdiyi sənədlərdə yer alan məlumatlar olduqca məxfidir və İsrailin İrana mümkün hücumuna yönəlmiş peyk şəkillərinin ətraflı təsvirlərini ehtiva edir. Sənədlərdə İsrail hərbçilərinin hücumda istifadə edə biləcəyi raketlərin, qırıcıların və digər təyyarələrin növləri qeyd edilib.
08:12 15.11.2024
Oxunuş sayı: 10541
